ORPHEUS ET EURYDICE
Orpheus poeta, musae Calliopis filius, feras etiam musica lyrae suae domabat atque
magna saxa movebat. Eurydicam, pulchram feminam, in matrimonio habebat
multumque amabat. Orpheus beatus erat, sed vipera Eurydicam in prato mordet
suoque veneno propere necat. Eurydica in Inferos, mortuorum magna regna,
descendit.
 |
| Mite d'Orfeu i Eurídice |
Orpheus in Inferos venit
atque inter mortuorum umbras quaerebat Eurydicam suam. Postremo etiam
Proserpinam, Inferorum deam reginamque, suis verbis canoris movet. Proserpina
dea Eurydicam Orpheo reddit. Iam Orpheus Eurydicam ex Inferis in terras secum
ducebat laetusque erat. Orpheus ad Inferos respicere non debebat, sed, magna
cura motus, ad Inferos respicit. Tunc Eurydica in Inferos rursus descendit
atque in Inferis perpetuo manet. Orpheus in terras ex Inferis venit atque in
terris maestus errabat atque Eurydicam cum multis lacrimis maestisque verbis
diu appellabat.
Cap comentari:
Publica un comentari a l'entrada